EHGArentzat (Euskal Herriko Gazte Abesbatza) etapa berri bat hasiko da, Elisenda Carrasco i Ribot zuzendari eta pedagogo katalanaren zuzendaritzapean. Euskal Herriko Abesbatzen Konfederazioak 2016an sortutako gure gazte abesbatzaren buru izango da Elisenda Carrasco. Cesar Marañon izango du zuzendari laguntzaile. EHGAko kide izan da sortu zenetik, eta Kantabrian lan bikaina egin du zuzendari koral gisa.

César Marañón García

Zortzi urterekin piano eta solfeo ikasketak hasi zituen Laura Garmendia piano-jotzailearen eskutik. Lau urte geroago, bigarren espezialitateari ekin zion, zeharkako txirula, Santanderreko Jesús de Monasterio musika kontserbatorio profesionalean, María Luisa Gandarillas irakaslearekin.
2010ean hasi zen abesbatza-zuzendaritzaren artean trebatzen, Ambroz Copi, Marco García de Paz, Josu Elberdin, Fernando Marina, Esteban Sanz, Esteban Urzelai edo Josep Vila i Casañas maisuekin. Gainera, Celia Alcedo, Javier Alonso, David Azurza, Víctor Cruz, Lorena García, José Antonio López, David Mason, Carlos Mena, Nuria Orbea, Paul Smith, Marta Ubieta eta Miren Urbietaren kantu-eskolak jaso ditu. Gaur egun, Santanderreko Jesus de Monasterio Kontserbatorioan Kantuko Lanbide Gradua ikasten ari da, María del Mar Fernández Dovalen babespean.
Cesarrek kantu korala bultzatu nahi du Kantabrian, haur eta gazte abesbatzak sortuz, musikari zein eszenari garrantzi handia emanez.
2015ean Halane eta Halane Junior abesbatzak sortu zituen, eta haiekin hainbat muntaia egin ditu, besteak beste, El Bosque Magico del Trasgu. 2016an, Halane abesbatzarekin, Ejea de los Caballeroseko XLV Abesbatza Lehiaketako gazteen kategoriako 3. saria eskuratu zuen.
2017an Santanderreko Gazte Abesbatza sortu zuen. Talde honekin 2. saria lortu du, Zilarrezko Lira, San Vicente de la Barquerako Itsas Abestiaren Lehiaketaren LI. edizioan; 3. saria eta publikoaren saria, Antonio José de Burgos Abesbatzen Lehiaketa Nazionalaren XVIII. edizioan; eta 3. saria Villa de Avilés Abesbatzaren XXXVI. Lehiaketan. Abesbatzak, gainera, hainbat ikuskizunetan parte hartu du, hala nola, «Allende» jatorrian, My Madder konpainiarekin batera, eta «Vientos del Norte» zarzuelan, Kantabriako Jaialdien Jauregian, Bilboko Campos Eliseos Antzokian eta Torrelavegako Concha Espina Udal Antzokian.
Gainera, Virgen del Campo de Cabezón de la Sal abesbatza eta Ciudad de Santander Koru Akademiako Korua zuzentzen ditu, eta Kantabriako Jaialdien Jauregiko Arte Eszenikoen Eskolako irakaslea da.